Gyrfálka Mótið Keppnin er unisex í öllum aldursflokkum og bogaflokkum, 60 örvar og búið. Einfalt, fljótlegt og gaman. Virkar alveg eins og Sunnudagar í setrinu (fyrir fólk sem tók þótt á því). Kostar 2.000kr að taka þátt í meistaraflokki og frítt fyrir u21, u18 og u16 Mæting, skráning og greiðsla á mótið er allt í Bogfimisetrinu milli klukkan 14:00 og 14:45. Mótið byrjar svo með 3 upphitunarumferðum kl 15:00. Semsagt þú mætir bara á staðinn ef þig langar að keppa og skráir þig á staðnum á mótið, ísí písí Markmiðið er að halda mót reglulega í hverjum mánuði, en mögulegt að einhver mót eiga eftir að detta út t.d. þegar það eru Íslandsmeistaramót eða jól og þannig. Mótin verða skráð í mótalista BFSÍ. Tilgangurinn með mótunum er aðallega að vera með reglubundin mót sem fólk getur tekið þátt í og reynt að bæta sinn persónulega árangur. Og bara til að vera með, hittast og hafa gaman á meðan maður er að skjóta. Mótið er samstarfs verkefni Bogfimisetursins, BFSÍ og BF Bogans. En allir í öllum aðildarfélögum BFSÍ geta tekið þátt. Mótin verða einnig Íslandsmetahæf. Upplýsingar um bogaflokka, fjarlægðir og skífustærðir: Sveigbogi, trissubogi og berbogi: Meistaraflokkur: 18 metrar á 40cm skífu 50+: 18 metrar á 40cm skífu U21: 18 metrar á 40cm skífu U18: 18 metrar á 60cm skífu U16: 12 metrar á 60cm skífu Langbogi: Allir aldursflokkar: 12 metrar á 60cm skífu Áhugamenn/Byrjendur: 12 metrar á 60cm skífu Vertical Triple og Vegas Triple skífu setup í boði fyrir þá sem vilja og littla tían gildir fyrir trissuboga.